Cyfnodolyn ysgolheigaidd yw Llafur, a seilir y rhan fwyaf o'r erthyglau ar ymchwil gwreiddiol, fel â adlewyrchir yn y troednodiadau. Ond fe ddisgwyl y golygyddion bod yr erthyglau wedi eu cyflwyno mewn modd cyraeddadwy, gan gadw'r darllenwr cyffredin mewn cof. Croesawn atgofion a chofiannau addas yn arbennig, neu ddogfennau dadlennol a haedda sylw cynulleidfa ehangach.

Mae llawer o'n hawduron yn cyhoeddi eu darn o waith cyntaf ac mae'r golygyddion yn fodlon cynnig cyngor ar gyflwyno, arddull, ac awgrymiadau i adolygu, neu drafod cyfraniadau arfaethedig cyn eu cyflwyno. Mae taflen arddull ar gael ar gais.

Nid yw'r cyfnodolyn yn adolygu llyfrau yn y modd cyffredin, ond fe wna'r golygyddion erthyglau comisiwn o dro i dro, sydd yn darparu arolygiadau o gaeau arbenigol yn y maes neu adolygu twr o gyhoeddiadau diweddar perthnasol. Dylai rhywun sydd â syniadau am y fath erthyglau gysylltu â'r golygyddion, fesul e-bost neu bost, i drafod cynnig yn hytrach na chyflwyno erthygl orffenedig.

Fel arfer, darllenir erthyglau gan y ddau olygydd a wna benderfyniadau a chynnig cyngor. Weithiau rydym yn ceisio cyngor darllenwyr allanol fel dyfarnwyr. Cyflwynwch gopi caled yn y lle cyntaf os gwelwch yn dda. Lle bo'n bosib, dylai cyfraniadau fod wedi eu teipio ar gyfrifiadur, ac yna eu cyflwyno fesul disg neu e-bost. Ond ni ddylai atal unrhyw gyfranogwr rhag ysgrifennu erthygl ar y sail na all gwrdd â'r gofynion hyn. Mae nifer o'r cyfraniadau i'r erthygl oddeutu 5,000 o eiriau o hyd ond mae'r golygyddion yn fodlon trafod ac ystyried cyfraniadau yn hwy.